პროგრამა – 1560101 – დაფინანსება – 100%; 70%; 50%; 30%.

პროგრამა – 1560201 – დაფინანსება – მხოლოდ 100%.

პროგრამა – 1560301 – დაფინანსება – მხოლოდ 100%.

საქართველოს საავიაციო უნივერსიტეტი, პროგრამა 1310201 – „საავტომობილო გზებისა და აეროდრომების მშენებლობა და ექსპულატაცია“ ნაცვლად უნდა იყოს „აეროპორტების აეროდრომებისა და გზების მშენებლობა და ექსპულატაცია“.

ბათუმის ნავიგაციის სასწავლო უნივერსიტეტი, პროგრამა 1400101 – „საზღვაო მეცნიერებათა ბაკალავრი“ ნაცვლად უნდა იყოს „საზღვაოსნო მეცნიერებათა ბაკალავრი‘‘.

საქართველოს სახელმწიფო აგრარული უნივერსიტეტი

პროგრამა – 0050601 – დაფინანსება – 100%; 70%; 50%; 30%.

კავკასიის უნივერსიტეტი
პროგრამა 1220701 – ადგილების ქვოტა – ისტორია – 10
ლიტერატურა – 20;

პროგრამა 1220801 – ადგილების ქვოტა – ისტორია – 10
ლიტერატურა – 20.

აბიტურიენტთა ინტერნეტით რეგისტრაცია დაწყებულია ! ინტერნეტით რეგისტრაციის გასავლელად,შებრძანდით ვებ-გვერდზე online.naec.ge, რეგისტრაციის გასავლელად გადახდილი უნდა გქონდეთ გამოცდების საფასური
საქართველოს ბანკის რომელიმე ფილიალში,რეგისტრაცია დაიწყო დღეს,14 თებერვალს და გაგრძელდება 25 მარტამდე.

აბიტურიენტებს ასევე შეუძლიათ სარეგისტრაციო ანკეტა შეავსონ:

• დამამთავრებელი სკოლის მოსწავლეებმა – სკოლებში;

• სკოლადამთავრებულებმა - საგანმანათლებლო რესურსცენტრებში, გარდა თბილისისა; თბილისში შემდეგ მისამართებზე:

– ვაკე-საბურთალო – 165-ე საჯარო სკოლა (ფალიაშვილის ქ. N57);

– მთაწმინდა-კრწანისი – 193-ე საჯარო სკოლა (ლაღიძის ქ. N7);

– ისანი-სამგორი – 89-ე საჯარო სკოლა (ქეთევან წამებულის ქ.N40);

– დიდუბე-ჩუღურეთი – 150-ე საჯარო სკოლა (დგებუაძის ქ. N8);

– გლდანი-ნაძალადევი – მე–9 საჯარო სკოლა (სააკაძის N29).

გამოცდების ეროვნული ცენტრი რეგისტრაციის პროცესს 14 თებერვალს დაიწყებს.

მასწავლებელთა სასერტიფიკაციო გამოცდების, საერთო სამაგისტრო გამოცდისა და სტუდენტების საგრანტო კონკურსისათვის რეგისტრაციაც 14 თებერვალს დაიწყება.
საერთო სამაგისტრო გამოცდასა და სტუდენტების საგრანტო კონკურსში მონაწილეობის მსურველები ინტერნეტით (www.naec.ge ან online.naec.ge) უნდა დარეგისტრირდნენ, პედაგოგებს კი შესაძლებლობა ექნებათ გამოცდების ეროვნული ცენტრის განაცხადი ელექტრონულად ან რესურსცენტრებში შეავსონ.

რეგისტრაციის პროცესი შეწყდება 25 მარტს.

მოგესალმებით ძვირფასო აბიტურიენტებო მოგეხსენებათ, 14 თებერვლიდან იწყება რეგისტრაცია ერთიანი ეროვნული გამოცდებისათვის, სწორედ ამ თემაზე მინდა ჩემი გამოცდილებიდან გამომდინარე,რამდენიმე რჩევა მოგცეთ

1. არ ჩაწეროთ ისეთი უნივერსიტეტი პირველი,რომელშიც იცით რომ ვერ მოხვდებით, ეს სრული მარაზმია , მაგალითად იყო შარშან შემთხვევა,როცა ისეთმა ჩაწერა პირველ პოზიციაზე ჯავახიშვილის სახელობის უნივერსიტეტი,რომ უბრალოდ შანსი არ ქონდა მოხვედრის,გამომდინარე აქედან ვერ მოხვდა იქ,რაც ჩაწერა პირველ პოზიციაზე,რატომ უნდა ავიტკიოთ აუტკივარი თავი? ასევე არ ჩაწეროთ ისეთ პოზიციაზე ისეთი უნივერსიტეტი,რომლის წინაც მასზე დაბალი დონის უნივერსიტეტი გიწერიათ,სადაც კონკურსი უფრო დაბალია,ამით ვერაფერს მოიგებთ,მხოლოდ 1 უნივერსიტეტის ადგილს წააგებთ. ასე რომ გაითვალისწინეთ ეს რჩევა

2.შევსების დროს არამც და არამც არ დაიზაროთ, დეტალურად , მინიმუმ 2ჯერ შეამოწმეთ თქვენს მიერ შევსებული მონაცემები ! განსაკუთრებული ყურადღება მიაქციეთ უნივერსიტეტების ჩამონათვალს და კოდებს,რომელიც შეესაბამება ფაკულტეტებს…პირადად მე დამემართა,რომ უყურადღებობის გამო, მესამე პოზიციაზე ჩაწერილი უნივერსიტეტი სეუ ამომივარდა უყურადღებობის გამო,კოდი მივუთითე არასწორად… ამან მართალია არაფერი გადამიწყვიტა,რადგან მესამემდე ჩასვლას არ ვაპირებდი,მაგრამ ფაქტია რომ უყურადღებობის გამო 7-ის ნაცვლად გამომივიდა , რაც დამეთანხმებით კარგი სულაც არ არის

ჯერ-ჯერობით ეს 2 მნიშვნელოვანი რჩევა მინდოდა მეთქვა თქვენთვის,თუ რაიმე გამახსენდა აუცილებლად ჩავამატებ ამავე პოსტში

გთავაზობთ 2011 წლის ერთიანი ეროვნული გამოცდებისათვის სარეგისტრაციო ანკეტის შესავსებად საჭირო ინფორმაციას PDF ფორმატში

ცნობარის გახსნა/გადაწერა

2011 წელს, სამართლის, ჯანდაცვის, ბიზნესის ადმინისტრირების, მასობრივი კომუნიკაცია/ჟურნალისტიკის, საერთაშორისო ურთიერთობებისა და საჯარო მმართველობის ფაკულტეტებზე ჩარიცხული სტუდენტები მხოლოდ 100 პროცენტიანი სახელმწიფო გრანტის მოპოვების შემთხვევაში დაფინანსდებიან.

ყველა სხვა მიმართულებაზე სწავლას სახლემწიფო 100%, 70%, 50% და 30% პროცენტიანი გრანტით დააფინანსებს.

სახელმწიფო გრანტის გაცემის წესი და სპეციალობების სრული ნუსხა განათლებისა და მეცნიერების სამინისტროსა და გამოცდების ეროვნული ცენტრის ვებ-გვერდზეა განთავსებული და მოცემულია აბიტურიენტთათვის გამოცემულ ცნობარში.

ტესტი სამი ნაწილისგან შედგება:

I. წაკითხულის გააზრება (ორი ტექსტი, 21 შეკითხვა),
II. ლოგიკური მსჯელობა (14 ამოცანა),
III. რაოდენობრივი მსჯელობა (7 ამოცანა).

ტესტის თითოეულ დავალებას ახლავს ხუთი სავარაუდო პასუხი, რომელთაგან მხოლოდ ერთია სწორი.
სწორი პასუხის გაცემისთვის იწერება 1 ქულა.

თუ არც ერთი პასუხი არ არის მონიშნული, იწერება 0 ქულა.
არასწორი პასუხისთვის აკლდება 0,2 ქულა (ანუ, იწერება -0,2 ქულა).
ტესტის სამივე ნაწილის შესასრულებლად გეძლევათ 2 საათი და 30 წუთი. ტესტის ნაწილების შესრულების თანამიმდევრობას არა აქვს მნიშვნელობა.
გთავაზობთ ტესტის ნიმუშს. ამ გამოცდისთვის მოსამზადებლად შეგიძლიათ გამოიყენოთ გამოცდების ეროვნული ცენტრის მიერ გამოცემული ზოგადი უნარებისა და საერთო სამაგისტრო გამოცდის კრებულები.
ტესტის ნახვა

სამაგისტრო პროგრამებზე სწავლის გასაგრძელებლად მაგისტრანტობის კანდიდატებმა საერთო სამაგისტრო გამოცდა უნდა ჩააბარონ.

საერთო სამაგისტრო გამოცდის წარმატებით ჩაბარების შემდეგ მაგისტრანტობის კანდიდატები სპეციალობის გამოცდას ან/და სხვა გამოცდებს (მაგ.: უცხოური ენის გამოცდას ან სხვ.) უშუალოდ უმაღლეს სასწავლებლებში აბარებენ.

საერთო სამაგისტრო გამოცდის მიზანია:

• დაეხმაროს უმაღლეს სასწავლებლებს მაგისტრანტების შერჩევაში;

• გამორიცხოს მაგისტრატურაში ისეთი სტუდენტების მიღება, რომლებიც ვერ აკმაყოფილებენ მაგისტრატურაში სწავლისთვის აუცილებელ მოთხოვნებს;

• უზრუნველყოს მაგისტრატურაში ჩარიცხვის პროცესის ობიექტურობა და გამჭვირვალობა.

საერთო სამაგისტრო გამოცდასთან ერთად საქართველოში დაინერგა მაგისტრატურის დაფინანსების ახალი, სახელმწიფოსათვის პრიორიტეტული მიმართულებების დაფინანსებაზე ორიენტირებული სისტემა.

კანდიდატის ჩარიცხვისას მნიშვნელობა ენიჭება როგორც საერთო სამაგისტრო გამოცდის, ისე სპეციალობის გამოცდის შეფასებას. სახელმწიფო დაფინანსება მხოლოდ საერთო სამაგისტრო გამოცდის შედეგით გაიცემა.

საერთო სამაგისტრო გამოცდისათვის რეგისტრაცია დაიწყება 14 თებერვლიდან და გაგრძელდება 25 მარტის ჩათვლით. მონაწილეობის მსურველებმა რეგისტრაცია გამოცდების ეროვნული ცენტრის ვებგვერდზე (www.naec.ge; online.naec.ge) ინტერნეტით უნდა გაიარონ.

ინტერნეტით რეგისტრაცია

ინტერნეტით რეგისტრაციისათვის მაგისტრანტობის კანდიდატს უნდა ჰქონდეს პირადობის დამადასტურებელი მოწმობა (ან საქართველოს მოქალაქის პასპორტი) და აგრეთვე მან უნდა გადაიხადოს საერთო სამაგისტრო გამოცდაში მონაწილეობის საფასური (გადახდის ფორმები აღწერილია ქვემოთ).

1. ინტერნეტით რეგისტრაციას მაგისტრანტობის კანდიდატი გადის ვებგვერდზე www.naec.ge ან online.naec.ge;

2. მითითებულ მისამართზე შესვლის შემდეგ მაგისტრანტობის კანდიდატი სპეციალურ ველში უთითებს 11 ნიშნა პირად ნომერს, რის შემდეგაც, სისტემის მოთხოვნის შესაბამისად, ქმნის მომხმარებლის სახელსა და პაროლს (ამ ინფორმაციას იგი მიიღებს ელექტრონული ფოსტითაც, რომელსაც მიუთითებს შესაბამის ველში);

3. სისტემა, 11 ნიშნა ნომრის შეყვანის შემდეგ, თავად სვამს მაგისტრანტობის კანდიდატის სახელს, გვარს, მისამართს და სხვა ინფორმაციას შესაბამის ველებში (თუ ასეთი პირადი ნომრის მქონე პიროვნება არ მოიძებნა რეესტრის ბაზაში, სისტემა აცნობებს მაგისტრანტობის კანდიდატს ამის შესახებ);

4. სისტემა ავტომატურად ამოწმებს ინფორმაციას გადახდის შესახებ (თუ გადახდა არ დადასტურდა მაგისტრანტობის კანდიდატი ამის შესახებ მაშინვე შეიტყობს);

5. მაგისტრანტობის კანდიდატი უთითებს, სად სურს საგამოცდო ბარათის მიღება (უმაღლეს სასწავლებელში თუ საგანმანათლებლო რესურსცენტრში);

6. აუცილებელი ველების შევსების შემდეგ მაგისტრანტობის კანდიდატი მიიღებს შეტყობინებას, რომ მან წარმატებით გაიარა რეგისტრაცია (ამ შეტყობინებას მიიღებს ელ. ფოსტითაც);

7. მაგისტრანტობის კანდიდატს არ სჭირდება ფოტოსურათის გადაღება და ატვირთვა – პლასტიკური ბარათის დამზადებისას სისტემა სამოქალაქო რეესტრის ბაზაში არსებულ ფოტოს გამოიყენებს.

საერთო სამაგისტრო გამოცდაში მონაწილეობის საფასურის გადახდა

საერთო სამაგისტრო გამოცდაში მონაწილეობის საფასურის (50 ლარი) გადახდა (ნაღდი ანგარიშსწორებით ან გადარიცხვით) შესაძლებელია შემდეგ საბანკო რეკვიზიტებზე:

– სსიპ ,,გამოცდების ეროვნული ცენტრი~;

– ს/კ 202198727;

– სს ,,საქართველოს ბანკი~;

– ბანკის კოდი: 220101502;

– ანგარიში: GE96BG0000000877412000.

გადახდის შესაძლო საშუალებები და ტარიფები:

1. საქართველოს ბანკის ფილიალებში – საკომისიო 50 თეთრი;

2. ვებგვერდზე www.ipay.ge – საკომისიო 1 ლარი;

3. ,,აიფეის‘‘ აგენტების ქსელში (საჯარო რეესტრის სააგენტოებში) – საკომისიო 50 თეთრი.

გადახდის დანიშნულებაში უნდა ჩაიწეროს მაგისტრანტობის კანდიდატის გვარი, სახელი, პირადი ნომერი, პირადობის მოწმობის (ან პასპორტის) სერია და ნომერი.

საერთო სამაგისტრო გამოცდა ივლისში, ერთიანი ეროვნული გამოცდების მიმდინარეობისას ჩატარდება.

საგამოცდო ცენტრს მაგისტრანტობის კანდიდატი ირჩევს რეგისტრაციისას.

საერთო სამაგისტრო გამოცდის ჩაბარება სავალდებულოა:

- ყველა უმაღლესი სასწავლებლების სამაგისტრო პროგრამებზე სწავლის გასაგრძელებლად;

- საერთო სამაგისტრო გამოცდის ჩაბარება არ მოეთხოვებათ მაგისტრანტობის იმ კანდიდატებს, რომლებსაც სურთ სწავლის გაგრძელება საშემსრულებლო ან/და სასპორტო საგანმანათლებლო სამაგისტრო პროგრამებზე.

მაგისტრანტებს, რომლებმაც 2009 ან 2010 წელს წარმატებით გაიარეს საერთო სამაგისტრო გამოცდა (გადალახეს მინიმალური კომპეტენციის ზღვარი მინიმუმ სამ ნაწილში) შეუძლიათ მიღებული ქულები გამოიყენონ 2011 წელს. მაგისტრატურის კანდიდატთა რანჟირება ხორციელდება ყოველწლიურად, შესაბამისი წლის კონკურსის გათვალისწინებით.

მაგისტრანტობის კანდიდატს უფლება აქვს განმეორებით გავიდეს საერთო სამაგისტრო გამოცდაზე. ასეთ შემთხვევაში მხოლოდ განმეორებით გამოცდაზე მიღებული შეფასებები იქნება გათვალისწინებული.

კანდიდატს, თუ ის ინახავს მიღებულ ქულებს, რეგისტრაციის განმეორებით გავლა არ მოეთხოვება. სპეციალობის გამოცდამდე უმაღლეს სასწავლებლებს გადაეცემათ იმ მაგისტრანტთა სია, რომელთაც წარმატებით ჩააბარეს საერთო სამაგისტრო გამოცდა (მათ შორის, 2009 და 2010 წელს).

წყარო : naec